YOUR OWN WEBSITE FOR EVERYTHING YOU WANT...Mobile Nos. Dir, Friendship Corner, Karachi Coach Time Table, and much more..
   
  RAEES COMPUTERS
  SHAHDADPUR Geo News Exclusive
 

 

Shahdadpur (Reportor Syed Raees)
 for GEO TV Exculsive 


PPP Shahdadpur ke Rehnuma aur Shah Latif Foundation Zila Sanghar ke Sadar Faisal Wassan ka Harkate qalb band hojane ki waja se Agha Khan Hospital Karachi main Inteqal kargaye.

Marhoom ki namaze janaza main Soobai Wazir Abdul Salam Thahim, MNA Dr. Ayoub Shaikh, Sabqa MNA Muhammad Khan Junejo, Sabqa MPA Muslim League Mahi Khan Wassan, Engineer Wazire ala house Syed Azeem Shah, DDO Revenue Tahir Memon, Anjuman Daira Mehdvia Pakistan ke Meeran Shahab samait Hazaron afrad ne shirkat ki.

Faisal Wassan ko hazaron sogwaraan ki moujoodgi main Bhit Shah main Shah Abdul Latif ke ahate main Suparde  khaak kardiya gaya.Marhoom ne sogwaran main aik bewa aur do bache chore hain. center">======================================

Shahdadpur (Reportor Syed Raees)
 for GEO TV Exculsive 

Shahdadpur main 4 December ko Sindhi Saqafat ko ujagar karne aur Sindh Dharti se aifaye ahad karne ke liye Sindhi Topi Ajrak Day manaya gaya js main Tmam 
maktab-e-fikr ke logon aur tamam siyasi aur samaji tanzeemon samait School ke hazaron shuraka ne bharpoor hissa liya. Latif park main aik Saqafti show munaqid kiya gaya aur Private Schools main Saqafti show aur Sindh ka riwayati raqs "HO JAMALO" pesh kiya. Is mwqe par shurkaon ne Sindh dharti se aqeedat ka izhaar karte hoye kaha ke Sindh Dharti ke liye Khoon ka aakhri qatra bhi dena para tu hum peechay naheen hatein ge.

Is moqe par Rally ke shurka ne khare ho kar 
Yakjehti ki Zanjeer bhi banaye.

     

 


 

Shahdadpur (Reportor Syed Raees)
 for GEO TV Exculsive 

Shahdadpur main musalsal 12 say 14 ghantay ki ghair ailania load shading, Shabe qadar ki babarkat raat main bhi load shading ka silsla jari, Shehri Mushtail, HESCO Office-II ka jalao ghairao, Furniture aur Record Nazre Atish. 
Tafeelat k mutabiq Shahdadpur main mahe Ramzanul Mubaraik k rehmaton aur barkaton k maheenay main bhi ain Sehro Aftaar k waqt taveel aur ghair ailania loadshading ka silsila jari hai. Shabe Qadr ki butabarrk raat main bhi hasbe riwayat musalsal 3 say 4 ghantay ki load shading ki gaye jis say mushtail afraad sarkon par nikal aiye aur HESCO office-II k samnay tyre jala ka road block kardiya. 

HESCO office ka amla office chore kar farar hone main kamyab hogaya. Mushtail afraad ne HESCO office ka tamma saman, furniture aur record nazre atish kardiya aur HESCO office ko bhi aag lagadi. Is maouqay par Police ka naamo nishan tak naheen tha.

 

 


Shahdadpur (Reportor Syed Raees)
 for GEO TV Exculsive 

Shahdadpur main HESCO-I ke zalimana rawiye k khilaf ahtejaj k doran aik shaksh ne khud sozi karli. 

Tafseelat k mutabiq Shahdadpur taluke ke rehaishion ne HESCO-I Shahdadpur zalimana rawaye aur over reading bill bhejnay ke khilaf ahtejaj kiya, HESCO office k samnay naray bazi ki, tyre jalaye aour road block karditaya. HESCO tarjuman ke mutabiq Gaon main HESCO sarifeen k bill jama na karwane k bais HESCO intezamiya ne poore gaon ki bijli munqata kardi aur transformer utar kar legaye jis par wahan k makeenon ne shadeed ahtejaj kiya aur dorane ahtejaaj aik shaks ne khud par petrol chirak kar aag laga di. Baad main usay fori tibbi imdad k liye Institute of Medical Sciences (Civil Hospital) Shahdadpur main dakhil karadiya gaya jahan se tashwishnaak halat main usay Civil Hospital Hyderabad Muntaqil kardiya gaya.





Comments on this page:
Comment posted by dr dre headphones( wirdxpibztyahoo.com ), 12/24/2013 at 5:04am (UTC):
i really like these dr dre headphones! All round these are terrific dr dre headphones.

Comment posted by Zuhaib Wassan( ), 12/14/2010 at 8:18am (UTC):
Salam Raees Bhai, aap ne yeh buhut acha kaam kardiya hai, Allah aap ko jazae khair de (Ameen), aur Faisal Wassan Bhai ko Jannat-ul-Firdos main jaga de (Summa Ameen)



Add comment to this page:
Your Name:
Your Email address:
Your website URL:
Your message:

 
  Today, there have been 110 visitors (733 hits) on this page! Copyright © Raees Computers Shahdadpur | All Rights Reserved  
 
=> Do you also want a homepage for free? Then click here! <=
Copyright © 2010 Raees Computers Shahdadpur All Rights Reserved